Pazo de Tor

Fai uns días invitáronnos a participar no Pazo de Tor en Monforte de Lemos nuns actos de apoio á curtometraxe de Alfredo Pardo, "O labirinto ario" que este ano está nominado ós premios Mestre Mateo.

O pazo que pertence á Rede Museística da Deputación de Lugo está en fase de restauración, aínda que ninguén o diría porque as dependencias principais están nun estado fantástico e no seu interior pódese disfrutar de auténticas obras de arte datadas por exemplo no século XVII, así coma varios carros de cabalos de distintas épocas, armaduras e incluso unha pequena capela cun retablo de madeira.

Nós tivémolo pracer de honrar a Uxío Novoneyra (protagonista este ano do día das Letras Galegas) interpretando un poema seu adicado ó Pazo de Tor. Fixémolo na sala da música, onde estabamos flanqueados por varios pianos traídos dende Londres nos séculos XVIII e XIX.

Se tendes ocasión non deixedes de visitar este fantástico e pouco coñecido pazo da figaldía galega que está convertido na actualidade nun museo público.